Քառասունչորսօրյա պատերազմից հետո իշխանությունը համառորեն պնդում ու հասարակությանը համոզում էր, որ եթե 2021 թ․ ընտրություններում ընդդիմությունը հաջողության հասնի, ապա դա նոր պատերազմական գործողությունների է բերելու։ Դա այն ժամանակներն էր, որ իշխանությունն առաջ էր մղում տխրահռչակ «խաղաղության դարաշրջան» ձևակերպումը։
Այս մասին այսօր ԱԺ հայտարարությունների ժամին հայտարարեց «Պատիվ ունեմ» խմբակցության քարտուղար Տիգրան Աբրահամյանը։
Նրա հիշեցրեց, որ 2023 թվականին այդ նույն իշխանությունը Ադրբեջանի իշխանությունների հետ սինխրոն համոզում էր հանրությանը, որ ռևանշիստական ուժերն են խանգարում խաղաղության գործընթացին, իսկ իրենք սլանում են դեպի, այսպես կոչված, «խաղաղության պայմանագրի» ստորագրմանը։
«Իսկ ի՞նչ տեսավ հասարակությունը 2020-2023 թվականներին՝ պատերազմ, զիջումներ, մարդկային և տարածքային կորուստներ, Արցախի հանձնում, ուրացում և դավաճանություն։ Ո՞ւր է ձեր խոստացած խաղաղությունը, որ այդպես էլ չի գալիս»,- ասաց Աբրահամյանը։
Մանրամասն՝ տեսանյութում