Ռազմական գործողությունները սկսվելուց ժամեր անց հասկացա, որ մենակ ենք ադրբեջանական ագրեսիայի դեմ։ Ռուսական կողմը դիտորդի կարգավիճակում էր։ Այդ մասին Արցախի հանրային հեռուստատեսությանը տված հարցազրույցում ասել է ԱՀ նախագահ Սամվել Շահրամանյանը:
«ՊԲ-ի և մեր բնակչության հետ միասին սկսել ենք պատասխան գործողությունները։ Դրանց շնորհիվ էլ Ադրբեջանի հետ սկսեցինք բանակցություններ, որոնք տևեցին 12 ժամ։ Ուժերն անհավասար էին, որքան երկար շարունակվեր, այնքան շատ զոհեր և կորուստներ կլինեին։ Իմ նպատակը, որպես Արցախի նախագահ, այն էր, որ հնարավորինս արագ կանգնեցնեինք ռազմական գործողություններն ու խուսափեինք ավելի շատ զոհերից»,- ասել է Սամվել Շահրամանյանը։