Սուրբ Ծննդյան նախօրեին մահացել է հանգուցյալ Եղիսաբեթ II թագուհու սիրելի հովատակը։ Այդ մասին գրում է Daily Mail-ը։

Ռոյալ Ապլաուզ անունով մրցարշավային ձին մահացել է 29 տարեկանում՝ Սանդրինգհեմի թագավորական ախոռներում, որոնք Նորֆոլկ կալվածքում են։ Այստեղ թագավորական ընտանիքը նշում է Սուրբ Ծնունդը: Հովատակը բրիտանական չեմպիոն էր մրցարշավային զտարյուն ձիերի շարքում: 1995 թվականին, երբ երկու տարեկան է եղել, նա հաղթել է սեզոնի չորս ամենակարեւոր մրցարշավներում։

1997 թվականին Ռոյալ Ապլաուզը դադարեցրել է մասնակցությունը մրցարշավներին եւ պահվում էր նախիրում։ Նա տարեկան զուգավորվում էր մինչեւ 110 զամբիկի հետ, որոնցից մի քանիսը մրցում էին արշավներում եւ ներկայացնում էին Նորին Մեծությունը: Ըստ գնահատականների՝ մի քանի հարյուր քուռակներ են ծնվել եւ վաճառվել յուրաքանչյուրը միջինը 9000 ֆունտ սթեռլինգով: