Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի հեռախոսազրույցը շրջադարձային է դարձել եվրատլանտյան գործընկերության համար։
Վաշինգտոնը պահանջում է, որ եվրոպական երկրներն ապահովեն իրենց անվտանգությունը, ինչը նշանակում է Եվրոպայում «ամերիկյան դարի» ավարտ։ Այս մասին գրել է CNN-ը։
Պուտինի և Թրամփի հեռախոսազրույցը և Պենտագոնի ղեկավար Փիթ Հեգսեթի կոչը եվրոպական երկրներին՝ «ստանձնել աշխարհամասի կոնվենցիոնալ անվտանգության ապահովումը», դարձել են «աշխարհաքաղաքական ամպրոպներ» Ամերիկայի Միացյալ Նահանգների եվրոպական դաշնակիցների համար։
«Առաջին կետը ցույց է տալիս Թրամփի «Առաջինն Ամերիկան» գաղափարախոսությունը և նրա հակումը յուրաքանչյուր հարց ու դաշինք դիտարկելու ֆինանսական գրավչության տեսանկյունից: Այն նաև ընդգծում է, որ կառույցի խորհրդականները, ովքեր գիտեն արևմտյան արտաքին քաղաքականության առասպելաբանությունը, և որոնց Թրամփը մեղադրում է իր առաջին ժամկետի ձախողումների համար, այլևս չեն սահմանափակում նրա ազատությունը»,- նշված է հոդվածում:
Հոդվածի համաձայն՝ Անդրատլանտյան դաշինքը հայտնվել է խիստ խոցելի վիճակում 19-րդ դարից ի վեր «ամենամերկանտիլ և ազգայնական տրամադրված ամերիկյան նախագահի առջև»: