Փետրվարի 28-ին խոշոր ավտովթար է տեղի ունեցել Արմավիրի մարզում:

Այդ օրը, ժամը 09:00-ի սահմաններում Արմավիրի մարզի բնակիչ 61-ամյա Կոստան Ա.-ն իր վարած ԿՎԶ մակնիշի միկրոավտոբուսով Արտամետ գյուղի դաշտամիջյան ճանապարհին, դեռևս անհայտ հանգամանքներում, կողաշրջվել է:

Ինչպես հայտնում է ֆոտոլրագրող Գագիկ Շամշյանը, վթարի հետևանքով ուղևորներ Արմավիրի մարզի բնակիչներ 35-ամյա Աննա Ա.-ն, 44-ամյա Սառա Մ.-ն և 57-ամյա Վարսիկ Գ.-ն մարմնական վնասվաքծներով տեղափոխվել են «Արմավիր» բժշկական կետրոն:

Վթարի փաստով Հայաստանի քննչական կոմիտեի Արմավիրի մարզային քննչական վարչությունում նախաձեռնվել է վարույթ:

Գ. Շամշյանի տեղեկություններով՝ վարորդ Կոստան Ա.-ն աշխատում է «ԹԱՆԱ ՊԱՐՏԵԶ» ՍՊԸ-ում, որպես վարորդ, վիրավորներն աշխատում են նույն ՍՊԸ-ում որպես բանվոր, միկրոավտոբուսն էլ հաշվառված է նշված ՍՊԸ-ի հաշվեկշռում: