ԱՄՆ Կոնգրեսի Ներկայացուցիչների պալատը քվեարկության արդյունքներով 15-րդ փորձից հետո նոր խոսնակ է ընտրել հանրապետական Քևին Մաքքարթիին։
Մաքքարթին ստացել է 216 ձայն։ Նրա գլխավոր մրցակից դեմոկրատ Հակիմ Ջեֆրիսը ստացել է 211 կոնգրեսականների աջակցությունը։ Եվս վեց օրենսդիրներ նախընտրել են իրենց ձայնը ոչ մեկի օգտին չտալ:
Այս պաշտոնը համարվում է երրորդ ամենակարևորը Միացյալ Նահանգներում։ Առանց նրա նշանակման պալատի աշխատանքը մի քանի օր մնում է կաթվածահար վիճակում, քանի որ օրենսդիրները չեն կարող երդվել և արդյունքում անցնել օրենսդրական գործընթացին։