Լիտվայի ԱԳՆ-ն իր մտահոգությունն է հայտնել Լաչինի միջանցքի շարունակվող շրջափակմամբ։ Համապատասխան հայտարարությունն արվել է գերատեսչության թվիթերյան էջում, որում նշված է, որ ստեղծված իրավիճակը հանգեցրել է Լեռնային Ղարաբաղի համար մարդասիրական լուրջ հետևանքների։
«Նման իրադարձությունները ոչ միայն խոչընդոտում են ազատ տեղաշարժին, այլև խաթարում են Հարավային Կովկասում խաղաղության ողջ գործընթացը»,- ասված է հայտարարության մեջ։