Իտալիայի հյուսիս-արևելքում Մարմոլադա սառցադաշտի փլուզման հետևանքով ինը մարդ է զոհվել. այդ մասին հուլիսի 6-ին հայտնել է ANSA գործակալությունը։
Տուժել է 7 մարդ, որոնցից չորսը հոսպիտալացվել են Տրենտո քաղաքի բժշկական հաստատություններ, երեքը՝ Վենետիկյան հիվանդանոցներ։
Փլուզումը տեղի է ունեցել հուլիսի 3-ին։ Տուժածներին որոնում էին փրկարարական ուղղաթիռները և կինոլոգների մի քանի խմբեր։ Մեկ օր առաջ Մարմոլադա շրջանում ջերմաստիճանը նորմայից բարձր էր 10 աստիճանով։
Կեմերովոյի մարզի Մեժդուրեչենսկում հուլիսի 6-ին 4,3 և 3,2 մագնիտուդ ուժգնությամբ երկու ցնցումներ են գրանցվել։ Ռասպադսկայա-Կոկսովայա հանքավայրում տեղի ունեցած առաջին երկրաշարժից հետո ժայռ է փլուզվել։ Հանքավայրում այդ պահին 190 մարդ է եղել, որոնցից 188-ը տարհանվել է։ Փրկարարները հայտնաբերել են մեկ մահացած հանքափորի, որի հետ կապը խզվել էր: Ավելի ուշ հայտնաբերվել է երկրորդ հանքափորի դին։