«Մայր Հայաստան» դաշինքի թիմում մարդիկ ենք, որոնք ցույց են տվել, որ իրենք բացարձակապես չեն ընդունում այս իշխանության վարած քաղաքականությունը: Մյուսների մասով ոչինչ չեմ կարող ասել, բայց շատ կարևոր է, որ հանրային ֆակտորը գործի։ Այս մասին այսօր հրավիրված ասուլիսի ժամանակ ասաց Երևանի քաղաքապետի թեկնածու Անդրանիկ Թևանյանը։
«Իշխանությունը, բնականաբար, իրար է խառնվել, խայտառակ ձևով տապալվել է, չնայած այն կեղծիքներին, վարչական ռեսուրսներին տապալվել է իր ծրագրերում և բնական է, որ կփորձի ինչ-ինչ քայլերի գնալ»,-ասաց նա և հավելեց, որ հանրության խնդիրը պետք է այն լինի, որ համատեղ ուժերով ճնշեն իշխանությանն ու թույլ չտան մարդկանց օգտագործել։
Թևանյանի խոսքով՝ ՔՊ-ին իշխանազրկելու հնարավորություն ունեն։
«Եթե մենք 50+ ստանայինք, ես խոստացել էի, որ մինչև տարեվերջ հեռացնելու ենք Նիկոլ Փաշինյանին։ Հիմա ես ասում եմ, որ Երևանում իշխանափոխությունը հանրապետությունում իշխանափոխություն կանի»,-նշեց նա։
Թևանյանի դիտարկմամբ՝ ՔՊ-ի հետ համագործակցելու ցանկություն չունեն: Նա զարմանում է, որ, իր խոսքով, ՔՊ-ի քույր կուսակցությունը ևս հաղթահարել է անցողիկ շեմը (Հանրապետություն կուսակցություն - խմբ.)։
«Այդ քույր կուսակցության ձայները շերտով են դուրս եկել քվեախցիկներից։ Տասովչիկների վրա էին հույս դրել, բայց սա հնամաշ մեթոդ է, նույնիսկ հնդիկները չփրկեցին իշխանությանը»,- ընդգծեց նա։
Մանրամասները՝ տեսանյութում