Վրաստանի կառավարությունը սահմանափակումներ է մտցնում Եվրո-5 ստանդարտին չհամապատասխանող ավտոմեքենաների ներմուծման համար, իսկ դա նշանակում է, որ արգելվելու է մինչև 2013 թ.-ն արտադրված ավտոմեքենաների ներմուծումը երկիր: Sputnik գործակալության վրացական ծառայության փոխանցմամբ, այս մասին կառավարության նիստում հայտարարել է Վրաստանի վարչապետ Իրակլի Ղարիբաշվիլին:
Մինչև 2013 թ.-ն արտադրված ավտոբուսների և բեռնատար մեքենաների՝ երկիր ներմուծման սահմանափակումը, ենթադրաբար, ուժի մեջ կմտնի 2025 թ. հունվարի 1-ից։
Վրաստանի վարչապետի խոսքով՝ այս փոփոխությունները մտցվում են օդի աղտոտվածության խնդիրը լուծելու համար, որը հատկապես անհանգստացնում է մայրաքաղաքի և խոշոր քաղաքների բնակիչներին։
Վարչապետի խոսքով՝ որոշումը չի վերաբերի արդեն հանրապետությունում գտնվող ավտոմեքենաներին, ինչպես նաև այն ավտոմեքենաներին, որոնք երկիր են մտնում վերաարտահանման և տարանցման նպատակով։
Իրադարձություններին ավելի արագ հետևելու համար բաժանորդագրվեք՝ MediaHubWorld