Եթե մի քանի շաբաթվա ընթացքում Երևանի քաղաքապետարանն ու Արաբկիր վարչական շրջանի ղեկավարի աշխատակազմը հետևություններ չանեն ու միջոցներ չձեռնարկեն՝ ժողովրդին հայտնի «Կորեայի ձոր» կամրջի վերանորոգման ուղղությամբ, ապա շաբաթների ընթացքում կամուրջը կդառնա ոչ միայն վտանգավոր՝ երթևեկության համար, այլև մի գեղեցիկ օր կփլուզվի:
Այսօր՝ նոյեմբերի 5-ին, ականատես եղանք, որ Երևանի քաղաքապետարանը և Արաբկիրի թաղապետարանը ոչինչ չեն ձեռնարկել՝ կամրջի վրա անվտանգությունն ապահովելու ուղղությամբ, գրել է Շամշյանը։
Վարորդները այնտեղով անցնելիս ամենավերջին խոսքերն են ուղղում պատասխանատուներին, ասելով՝ տպավորություն է, թե իրենց աշխատասենյակներում նստած են ու իրենց չի հուզում, որ մի գեղեցիկ օր կամուրջը փլվելու է ու այդ ժամանակ սկսելու են իրար հերթ չտալով մեկմեկու մեղադրել:
Ֆոտոլրագրողը հայտնում է նաև, որ այս հատվածով են երթևեկում ոչ միայն դեպի Կոտայքի մարզ, այլ նաև Արագածոտնի ու Շիրակի մարզեր մեկնող քաղաքացիները. Քանաքեռավանով դուրս են գալիս Զովունի, Եղվարդ, Աշտարակ ու հետո Շիրակի մարզ։
- Երևան 28.1°C
- $382.41
- €445.63
- ₽4.76