Դրամի փոխարժեքը՝ այսօր
Եղանակը՝ այսօր
ՀԱՍԱՐԱԿՈՒԹՅՈՒՆ

Ինչպե՞ս վերադարձնել սրբիչների փափկությունը․ մասնագետի խորհուրդը

Blog Image

Լվացքի Whirlpool ապրանքանիշի մենեջեր Մորգան ԼաԼոնդը բացահայտել է սրբիչների փափկությունը վերականգնելու էժան եղանակներ: Այս մասին գրել է The Sun-ը։

Մասնագետը խորհուրդ է տվել օդորակիչի փոխարեն օգտագործել սպիտակ թորած քացախ կամ խմորի սոդա։ «Գործվածքների փափկեցնող միջոցը երբեմն կարող է մնացորդներ թողնել կամ փչացնել սրբիչների նյութը: Դրանց մանրաթելերը փափկելու և հոտերից ազատվելու համար լվացքի մեքենայի մեջ ավելացրեք կես բաժակ այս ապրանքներից»,- ասել է ԼաԼոնդը:

Լալոնդը հորդորել է այս իրերը լվանալ տաք կամ եռման ջրով ու չօգտագործել չափից շատ լվացող միջոցներ: «Ժամանակի ընթացքում լվացող միջոցի մնացորդները դժվար է լինում հեռացնել, իսկ սրբիչները կոշտանում են», - ընդգծել է նա:

Մասնագետը նաև խորհուրդ է տվել գործվածքներով շատ չլցնել լվացքի մեքենան։ «Սա թույլ կտա սրբիչներն ավելի մանրակրկիտ մաքրել»,- նշել է նա՝ հավելելով, որ լվացվելուց հետո դրանք պետք է պահել զով, չոր տեղում։

Send