Քաբուլում նախագահական պալատի մոտակայքում պայթյուն է որոտացել, ինչի հետևանքով կան վիրավորներ. փոխանցում է Ria.ru-ն:

Առնվազն երկու մարդ վիրավորվել է Քաբուլում պայթյունի հետևանքով, իրավապահները հետաքննություն են սկսել դեպքի առնչությամբ. հայտնել է Քաբուլի ոստիկանության ներկայացուցիչ Խալիդ Զադրանը։

Պայթյունը տեղի է ունեցել Աֆղանստանի մայրաքաղաքի երկրորդ թաղամասում, որտեղ գտնվում են նախագահական պալատը և մի շարք կառավարական շենքեր։

Ոստիկանության ներկայացուցչի խոսքով՝ մեքենայի թափքին պայթուցիկ սարք է ամրացված եղել։

Քաբուլում Ռուսաստանի դեսպանատունը գտնվում է պայթյունի վայրից 12 կիլոմետր հեռավորության վրա։