12 տարվա դադարից հետո Թուրքիան վերաբացել է Դամասկոսում տեղակայված իր դեսպանատունը, հայտարարել է Թուրքիայի արտաքին գործերի նախարար Հաքան Ֆիդանը։

Դեսպանատան անձնակազմը Սիրիայի մայրաքաղաք է վերադարձել նախօրեին։

Որոշ ժամանակ Թուրքիան Սիրիայում ներկայացված կլինի գործերի ժամանակավոր հավատարմատարի մակարդակով։

Թուրքիայի դեսպանությունն իր գործունեությունը դադարեցրել էր 2012 թվականի մարտին Անկարայի և Դամասկոսի հարաբերությունների սրման պատճառով։