Դրամի փոխարժեքը՝ այսօր
Եղանակը՝ այսօր
ՀԱՍԱՐԱԿՈՒԹՅՈՒՆ

Քուչակի ճանապարհին հրդեհ է բռնկվել «Mercedes»-ում. Shamshyan

Blog Image

Այսօր՝ հունվարի 13-ին, արտակարգ դեպք է տեղի ունեցել Արագածոտնի մարզում: Ժամը 11:00-ի սահմաններում ՀՀ ներքին գործերի նախարարության Փրկարար ծառայության Ճգնաժամային կառավարման ազգային կենտրոն ահազանգ է ստացվել, որ Երևան-Վանաձոր ավտոճանապարհի Քուչակ գյուղի վարչական տարածքում ավտոմեքենա է այրվում: 
 
Ինչպես հայտնում է ֆոտոլրագրող Գագիկ Շամշյանը, դեպքի վայր են ժամանել ՀՀ ՆԳՆ փրկարար ծառայության Ապարանի հրշեջ-փրկարարական ջոկատից 1 մարտական հաշվարկ: 
 
Պարզվել է, որ հրդեհը բռնկվել է Արագածոտնի մարզի բնակիչ 32-ամյա Թաթուլ Ա.-ի վարած «Mercedes» մակնիշի ավտոմեքենայում: 
 
Մինչ հրշեջների ժամանումը՝ կրակի դեմ պայքարել են վարորդն ու քաղաքացիները, ապա ժամանած հրշեջները կանխել են կրակի տարածումն ու մարել այն: 
  
Ըստ նախնական տեղեկությունների՝ բարբախտաբար տուժածներ չկան, սակայն ավտոմեքենան դարձել է ոչ շահագործելի: 

Send