Դրամի փոխարժեքը՝ այսօր
Եղանակը՝ այսօր
ՀԱՍԱՐԱԿՈՒԹՅՈՒՆ

Կոտայքում հսկայական եղևնիով բարձված բեռնատարը բախվել է գազախողովակներին, սկսել է գազի արտահոսք․ Shamshyan

Blog Image

Այսօր՝ հոկտեմբերի 22-ին, արտակարգ դեպք է տեղի ունեցել Կոտայքի մարզում: Ժամը 13:00-ի սահմաններում ՀՀ ներքին գործերի նախարարության ոստիկանության Պարեկային ծառայության Կոտայքի մարզի գումարտակում օպերատիվ տեղեկություններ են ստացվել, որ Ակունք գյուղում «Dongfeng» մակնիշի բեռնատարը բախվել է գազատար խողովակներին և կա գազի արտահոսք: Գրել է Գագիկ Շամշյանը։ 

Տեղում պարզվել է, որ հսկայական եղևնիով բարձված բեռնատարը բախվել է 8-րդ փողոցով անցնող գազատար խողովակներին, մի քանիսը կոտրել, ինչի հետևանքով էլ առաջացել է գազի արտահոսք:  

Ըստ նախնական տեղեկությունների՝ բարեբախտաբար տուժածներ չկան:  

Օպերատիվորեն ժամանել են նաև «Գազպրոմ Արմենիա» Կոտայքի մարզի ԳԳՄ-ի ծառայողները, ովքեր արդեն ձեռնամուխ են եղել վթարված սյուներն ու գազախողովակները նորով փոխարինելու ուղղությամբ:  

Ժամանակավորապես նշված հատվածում գազամատակարարումը դադարեցվել է:

 

Send