Վերջին միջադեպի ֆոնին Լեհաստանի իշխանությունը մտադիր է ավելացնել ռմբաապաստարանների թիվը։ Այս մասին RMF ռադիոկայանի եթերում հայտարարել է Լեհաստանի ներքին գործերի նախարար Մարիուշ Կամինսկին։
Նրա խոսքով՝ մինչեւ տարեվերջ ապաստարանների գույքագրում կիրականացվի։
«Մենք պետք է նոր օբյեկտներ գտնենք ապաստարանների համար եւ բազմապատկենք այն վայրերի քանակը, որոնք ապաստան կդառնան քաղաքացիների համար»,-ասել է նա։
Հարցին, թե արդյոք իշխանությունը սահմանամերձ շրջանների բնակիչներին կտեղեկացնի հրթիռային սպառնալիքների մասին, քաղաքական գործիչը պատասխանել է, որ նման որոշումը վերլուծվում է։ «Ուկրաինայում ամեն օր հնչում են օդային տագնապի ազդանշաններ, եւ եթե դրանք բոլորը փոխանցվեն Ուկրաինայի սահմանակից տարածքներում բնակվող լեհերին, կարող է խուճապ առաջանալ»,-ասել է Կամինսկին։
News.am