«Կարպետ» պլան է ներդրվել Մոսկվայի բոլոր օդանավակայաններում, ինչպես նաև Կալուգայի օդանավակայանում, ասել է Ռոսավիացիան։ Փոխանցում է Ռիա նովստին:
«Թռիչքների անվտանգությունն ապահովելու համար ժամանակավոր սահմանափակումներ են մտցվել «Շերեմետևո», «Դոմոդեդովո», «Վնուկովո», «Ժուկովսկի» և «Կալուգա» օդանավակայանների շահագործման համար»,- ասվում է հաղորդագրության մեջ։
Թռիչքների ընդունումն ու մեկնումը դադարեցված են. Օդանավակայանի աշխատակիցները ձեռնարկում են անհրաժեշտ միջոցներ թռիչքների անվտանգությունն ապահովելու համար։
Ավելի ուշ հաղորդվեց, որ Մոսկվայի ժամանակով ժամը 16.40-ից «Վնուկովո» օդանավակայանում թռիչքների սահմանափակումները հանվել են։