Չինաստանում ոստիկանությունը փրկել է ավելի քան հազար կատու, որոնց պատրաստվում էին օգտագործել մսացուհի համար, այնուհետև վաճառել խանութներին և ռեստորաններին։ Գրել է Lenta-ն՝ հղում անելով The Paper-ին։

Կենդանիների իրավունքների պաշտպաններն իմացել են, որ անհայտ անձինք խայծի միջոցով փայտե արկղերում կատուներ են բռնում և պահում նրանց գերեզմանոցում։ Վեց օր նրանք հետևել են, թե ինչ է կատարվում, և երբ արկղերը բարձել են բեռնատարի վրա, այդ մասին հայտնել են ոստիկանություն։

Իրավապահ մարմինների աշխատակիցներն արագ արձագանքել են հաղորդագրությանը և կարողացել են որսալ մեքենան երկրի արևելքում՝ Ժանգզյան քաղաքի մոտ։ Պարզվել է, կենդանիներին տեղափոխել են սպանդանոց, իսկ նրանց միսը նախատեսվել է օգտագործել երշիկեղենի և կոտլետներ արտադրելու համար, իսկ հետո վաճառել որպես գառան և խոզի միս։

Բոլոր կատուներին հաջողվել է փրկել և ժամանակավորապես տեղավորվել կենդանիների ապաստարանում։ Այժմ իրավապահները պարզում են՝ վանդակներում միայն թափառող կենդանիներ են հայտնվել, թե՞ նրանց մեջ ընտանի կատուներ կան։