ՔՊ-ական պատգամավոր Սոնա Ղազարյանը վարչապետ Նիկոլ Փաշինյանից հետաքրքրվեց, թե ինչ սպասելիքներ ունի Գրանադայում վաղը կայանալիք հանդիպումից։
Փաշինյանը պատասխանեց, որ մինչև այսօր առավոտյան հաստատում էին իրենց մասնակցությունը։
«Շատ կառուցողական ու լավատես էինք տրամադրված, որովհետև կարծում էինք, որ կար շրջադարձային նշանակության փաստաթուղթ ստորագրելու հնարավորություն, մինչև առավոտ այդ հավանականությունը շատ բարձր էինք գնահատում։ Դա այն փաստաթուղթն էր, որը խամաճիկային ընդդիմությունը ամեն ինչ անում էր, որ ներկայացնի որպես կործանանար փաստաթուղթ, բայց քանի որ չստացվեց, Հայաստանը խամաճիկային ճնշումների չենթարկվեց, հստակ տրամաբանված տեսակետ հայտնեց, օդանավակայանի ճանապարհն էլ ոչ ոք չկարողացավ փակել, հիմա էլ պարզվեց, որ այդ հանդիպումը չի կայանում՝ ոչ մեր մեղքով»,-ասաց նա։
Փաշինյանի խոսքով՝ հարցը լուծվել է ընդդիմության սրտով, բայց ոչ ընդդիմության ձեռքով։
«Մենք չենք չեղարկել հանդիպումը, բայց մենք մեկնում ենք Գրանադա»,- շեշտեց նա։
Մանրամասները՝ տեսանյութում