ԱՄՆ նորընտիր նախագահ Դոնալդ Թրամփը Կանադայի վարչապետ Ջաստին Տրյուդոյի հետ հանդիպման ժամանակ ասել  է նրան, որ երկիրը կարող է դառնալ Միացյալ Նահանգների «51-րդ նահանգը»՝ սահմանին անօրինական միգրացիայի աճի պատճառով։ Այս մասին հայտնել է Fox News-ը։

Ինչպես նշել են հեռուստաալիքի աղբյուրները, Թրամփը Մար-ա-Լագոյի կալվածքում Տրյուդոյին ասել է, որ պաշտոնը ստանձնելուց անմիջապես հետո մտադիր է ապրանքների ներմուծման համար 25% մաքսատուրքեր սահմանել։ Թրամփի խոսքով՝ այս սցենարը հնարավոր է, եթե Կանադան չաջակցի ԱՄՆ-ին՝ Կանադայի սահմանով անօրինական ներգաղթյալների հոսքը սահմանափակելու հարցում։

Ի պատասխան Տրյուդոյի այն փաստարկին, որ կանադական ապրանքների ներմուծման մաքսատուրքերի զգալի աճը չափազանց բացասական ազդեցություն կունենա Կանադայի տնտեսության վրա, Թրամփը նշել է, որ երկիրը կարող է դառնալ ԱՄՆ 51-րդ նահանգը։