Միացյալ Նահանգների նախագահ Ջո Բայդենը պաշտոնը որոշում է կայացրել Կուբան հանել ահաբեկչությանն աջակցող պետությունների ցուցակից։
Ի պատասխան՝ Կուբան, համաձայնության գալով Վաշինգտոնի հետ, խոստացել է ազատ արձակել 553 բանտարկյալի։
ԱՄՆ-ն ակնկալում է, որ նրանց թվում կլինեն 4 տարի առաջ բողոքի ցույցերին մասնակցելու համար դատապարտվածները։
Կուբան ԱՄՆ պատժամիջոցների տակ է 1962 թվականից։ 2015-ին դեմոկրատական նախագահ Բարաք Օբաման Կուբային հանել էր «ահաբեկիչների» ցուցակից, 2021-ին հանրապետական նախագահ Դոնալդ Թրամփը հեռանալուց մի քանի օր առաջ Հավանան վերականգնել էր այդ ցուցակում։
Ահաբեկչությունն աջակցող պետությունների ցուցակում հայտնված երկիրը զրկվում է ԱՄՆ-ի տնտեսական օգնությունից, սահմանվում է ամերիկյան զենք վաճառելու արգելք։ Ամերիկյան ցուցակում մնում են Իրանը, Սիրիան, Հյուսիսային Կորեան։