Պորտուգալիան կարագացնի արեւային էլեկտրակայանների կառուցումը, որոնք կփոխարինեն գազի արտադրությունը եւ կօգնեն հասնել գազի օգտագործումը նվազեցնելու ԵՄ-ի նպատակին: Այս մասին հայտարարել է էներգետիկայի նախարար Ժոաո Գալամբան, փոխանցում է Reuters-ը։

Քանի որ Եվրոպան պայքարում է գազի սպառման եւ սահմանափակ մատակարարման միջեւ բացը փակելու համար, 1.2 գիգավատ արեւային ֆոտոէլեկտրական հզորության տեղադրման արագացումը «շատ կարեւոր ներդրում կունենա, քանի որ թույլ է տալիս էլեկտրաէներգիա արտադրողներին ավելի քիչ գազ սպառել», ասել է Գալամբան:

«Սա ամենաարդյունավետ միջոցն է, որը Պորտուգալիան կարող է ձեռնարկել առանց ավելի խիստ միջոցների էլեկտրաէներգիայի կամ արդյունաբերական ոլորտներում, որոնք հիմնական սպառողներն են»,- ասել է նա:

ԵՄ էներգետիկայի նախարարները պայմանավորվել են, որ անդամ երկրներն օգոստոսից մարտ 15 տոկոսով պետք է կրճատեն գազի սպառումը: Սակայն Պորտուգալիան եւ Իսպանիան, որոնք թույլ էներգետիկ կապեր ունեն մնացած Եվրոպայի հետ, կարող են կրճատել իրենց սպառումը միայն 7 տոկոսով, եթե հնարավորինս շատ գազ ուղարկեն ԵՄ-ի իրենց հարեւաններին: Երկու երկրներն էլ հեղուկացված բնական գազ, Ռուսաստանից բացի, ներմուծում են նաեւ այլ արտադրողներից եւ կարող են վերաարտահանել գազի մի մասը:

1.2 գիգավատ հզորությունը հավասար է Սինիշում այժմ փակված ածուխով աշխատող էլեկտրակայանի հզորությանը, ասել է Գալամբան: Այնուամենայնիվ, արեւային արտադրությունը շատ ավելի ընդհատվող է, քան ջերմայինը:

Պլանի շրջանակներում «մինչեւ հոկտեմբեր 300-ից 400 մեգավատ նոր արեւային հզորություն կգործարկվի փոքր, միջին եւ մեծ ֆոտոէլեկտրական արեւային պարկերի համար»,- ասել է քարտուղարը:

Պորտուգալիան այսօր ավելի քան 2 գիգավատ տեղադրված արեւային հզորություն ունի, ինչը կրկնակի անգամ ավել է 2020 թվականի վերջի համեմատ:

Այն տարեկան մոտ 5 մլն խմ բնական գազ է սպառում է։ Էլեկտրաէներգիա արտադրողները 45 տոկոս են օգտագործում, արդյունաբերությունը՝ 45 տոկոս, տնային տնտեսությունները՝ 10 տոկոս։