Հեռախոսի մարտկոցը պետք է լիցքավորել ոչ թե 100, այլ 80-90 տոկոսով։  РИА Новости-ի հետ զրույցում ասել է RuStore ընկերության պրոդուկտ-մենեջեր Ալեքսանդր Ռուսնակը։

Փորձագետի խոսքով՝ ժամանակակից սարքերն արդեն ապահովում են այնպիսի կարգավորում, որը դադարեցնում է լիցքավորումը 80 կամ 90 տոկոսի հասնելով։ «Անհրաժեշտ է խուսափել մարտկոցի լիցքաթափումը զրոյական մակարդակի հասցնելուց և այն դնել լիցքավորման, երբ մարտկոցը լիցքաթափվել է մինչև 10-20 տոկոս»,- հավելել է Ռուսնակը։

Գործակալության զրուցակիցը նշել է ոչ օրիգինալ լիցքավորիչների օգտագործումը որպես մեկ այլ գործոն, որը կարող է կրճատել սմարթֆոնի մարտկոցի «կյանքը»։ Նա պարզաբանել է, որ նման սարքերը չեն ենթարկվում անհրաժեշտ հավաստագրերի և խիստ փորձարկումների։