«Հըզբոլլահը» հաստատել է շարժման գլխավոր քարտուղար Հասսան Նասրալլահի մահը:
Ավելի վաղ Իսրայելի ՊԲ-ն հայտնել էր, որ սպանել է «Հըզբոլլահ» շարժման գլխավոր քարտուղարին։
«Գործելով ճշգրիտ հետախուզական տեղեկատվության հիման վրա՝ Իսրայելի ռազմաօդային ուժերի ինքնաթիռները հարձակվել են «Հըզբոլլահի» կենտրոնական շտաբի վրա, որը տեղակայված է ստորգետնյա, Բեյրութի Դահիյա թաղամասում բնակելի շենքի տակ», - հայտնել էր իսրայելական բանակը:
Զինվորականների տվյալներով՝ հարձակումը տեղի է ունեցել այն ժամանակ, երբ Հեզբոլլահի բարձրագույն ղեկավարությունը եղել է իր շտաբում, որը համակարգել է գործողությունները Իսրայելի դեմ։ Նաև հաշվի է առնվել ՄԱԿ նստաշրջանի ժամանակահատվածը՝ զգոնությունը թուլացնելու համար։