Բրիտանացի արիստոկրատ Չարլզ Վիլյերսը, որը բրիտանական թագուհու ապագա ամուսնու՝ Կորնուոլի դքսուհի Կամիլայի ազգականն է, նախկին կնոջ հետ երկարատև դատավարությունից հետո սնանկացել և ինքնասպան է եղել։ Այս մասին հայտնում է The Times թերթը։
Լոնդոնի Durrants հյուրանոցի հյուրասենյակում տնային տնտեսուհին հայտնաբերել է 59-ամյա տղամարդու դի։
Վիլյերսը ամուսնալուծության հայց էր ներկայացրել 2014 թվականին և արդեն ութ տարի կինը դատական գործընթաց էր սկսել ալիմենտի համար: Կնոջը հաջողվեց գործի քննությունը տեղափոխել Անգլիա, որտեղ նա ավելի մեծ հնարավորություն ուներ հաջողության հասնելու : Ամուսինն իր հերթին, պնդում էր , որպեսզի գործը Շոտլանդիայում քննվի և մեղադրում էր կնոջը երկամուսնության մեջ։ Ոստիկանության ստուգումից հետո երկամուսնության մեղադրանքները համարվել են անհիմն, 2015 թվականին դատական ծախսերի պատճառով արիստոկրատը կորցրել է իր առանձնատունը։ Նա խրված էր պարտքերի մեջ, ապրում էր ընկերների մոտ և չվճարեց այն տան համար, որը նա վարձել էր իր նոր սիրուհու՝ 45-ամյա օպերային երգչուհի Հայդի Իննեսի համար։ 2021-ին դատավորը Վիլյերին ազատեց երեխաների ալիմենտից՝՝ պատճառաբանելով այն ծանր ֆինանսական վիճակը, որում նա հայտնվել էր։ 2022 թվականի հունիսին Վերաքննիչ դատարանը պարտավորեցրել է նրան վճարել իր նախկին կնոջը տարեկան 18000 ֆունտ:
Վիլյերսը բրիտանական թագուհու որդու՝ արքայազն Չարլզի կնոջ՝ Կամիլա Փարքեր-Բոուլզի ազգականն էր: Չառլզը թագը կժառանգի մոր մահից հետո։ Եղիսաբեթ II-ի որոշմամբ Չարլզի` գահ բարձրանալուց հետո Կամիլան կստանա թագուհու զուգընկերոջ կոչում։