Վրաստանի նախագահ Սալոմե Զուրաբիշվիլին շնորհակալություն է հայտնել ուկրաինացի գործընկերոջը՝ Վլադիմիր Զելենսկիին, իշխող «Վրացական երազանք» կուսակցության 19 անդամների նկատմամբ պատժամիջոցներ կիրառելու համար։
Ավելի վաղ հայտնի էր դարձել Ուկրաինայի նախագահ Վլադիմիր Զելենսկին հրամանագիր է ստորագրել իշխող «Վրացական երազանք» կուսակցության հիմնադիր Բիձինա Իվանիշվիլիի, վարչապետ Իրակլի Կոբախիձեի և Թբիլիսիի քաղաքապետ Կախա Կալաձեի դեմ պատժամիջոցներ սահմանելու մասին։ Ցուցակում ընդհանուր առմամբ կա 19 մարդ։
«Շնորհակալություն Վոլոդիմիր: Ռուսաստանը փորձում է վերականգնել վերահսկողությունը Սև ծովի վրա»,- X-ում գրել է Սալոմե Զուրաբիշվիլին։
Նրանք, ըստ Ուկրաինայի իշխանությունների, պատասխանատու են «Վրաստանի շահերը վաճառելու համար»։ Կոբախիձեն պատասխանել էր Զելենսկիին: Վրաստանի վարչապետի խոսքով՝ այս որոշումը Ուկրաինայի «բարդ իրավիճակի արձագանքն է»։
«Ամենահետաքրքիրն այն է, որ Ուկրաինայի իշխանությունները նման որոշում կայացնելիս անկախ չեն»,- ասել էր նա։