Պաշտոնական Դամասկոսի կողմից վերահսկվող տարածքներում երկրաշարժի զոհերի վերջնական թիվը հասել է 1414-ի, վիրավորվել՝ 2357 մարդ։ Այս մասին հայտարարել է Սիրիայի առողջապահության նախարար Հասան Մուհամեդ ալ Գաբաշը։
Այս վիճակագրությունը տեղեկատվություն է պարունակում միայն Սիրիայի կառավարության կողմից վերահսկվող տարածքների մասին։
Փետրվարի 6-ի գիշերը տեղի են ունեցել ավերիչ երկրաշարժեր, որոնց ուժգնությունը հասել է 7,8 մագնիտուդի։ Թուրքիայում և Սիրիայում հազարավոր շենքեր են ավերվել։ Անկարան երկրաշարժերի ուժգնությունը համեմատել է 500 ատոմային ռումբի պայթյունի հետ։ Հետևանքների վերացմանը մասնակցում են տասնյակ հազարավոր մարդիկ տարբեր երկրներից։ Fitch վարկանիշային գործակալությունը երկրաշարժից Թուրքիային հասցված վնասը գնահատել է 4 մլրդ դոլար։