Դրամի փոխարժեքը՝ այսօր
Եղանակը՝ այսօր
Միջազգային

Իսրայելի ռազմաօդային ուժերը հարձակվել են Լիբանանում «Հըզբոլլահի» թիրախների վրա

Blog Image

Իսրայելի ռազմաօդային ուժերը հարձակվել են Լիբանանում «Հըզբոլլահի» թիրախների վրա, որոնք, ըստ իսրայելական կողմի, սպառնալիք են եղել իր զինվորականների համար։

Այս մասին ասվում է Իսրայելի պաշտպանության բանակի տարածած հայտարարության մեջ։

«Գիշերվա ընթացքում Իսրայելի պաշտպանության հետախուզության ցուցումով, օդուժը հարվածներ է հասցրել «Հըզբոլլահի» ահաբեկիչների մի շարք օբյեկտների Բեքաա հովտում, որոնք վտանգ են ներկայացնում Իսրայելի ներքին ճակատի հրամանատարության և Իսրայելի պաշտպանության ուժերի համար», - ասվում է հայտարարության մեջ:

Մասնավորապես, հարված է հասցվել ստորգետնյա օբյեկտին, որտեղ զենք էր մշակվում և արտադրվում։ Բացի այդ, ռազմաօդային ուժերը հարվածներ են հասցրել սիրիա-լիբանանյան սահմանային թիրախներին, որոնք «օգտագործվել են «Հըզբոլլահի» համար Լիբանան զենք տեղափոխելու նպատակով»:

Իսրայելի պաշտպանության բանակը հիշեցրել է, որ նախօրեին նրանք որսացել են նաև անօդաչու թռչող սարք, որը Լիբանանից մոտեցել էր Իսրայելին։ Զինվորականներն ընդգծել են, որ անօդաչու թռչող սարքի թռիչքը խախտում է հրադադարի համաձայնագիրը Լիբանանում, սակայն Իսրայելի պաշտպանության բանակը հավատարիմ է եղել դրա իրականացմանը և խոստացել է շարունակել կանխել նման ակտիվությունը:

Send