MediaHub-ին հայտնում են, որ փետրվարի 13-ին, ժամը 23։10-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Երևանի Ազատամարտիկների փողոցի 3-րդ նրբանցքի տներից մեկում։ 

Հրդեհի բարդության «1 ԲԻՍ» կանչով դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ, Ճգնաժամային կառավարման ազգային կենտրոնի օպերատիվ և Հրդեհաշիջման և փրկարարական աշխատանքների կազմակերպման բաժնի հերթապահ խմբերը։

Հրշեջ-փրկարարները տան ննջասենյակում հայտնաբերել են կնոջ դի, ապա տանից դուրս բերել 1 տուժած՝ միջին տարիքի տղամարդ, տարբեր աստիճանի այրվածքներով: Վերջիմս հոսպիտալացվել է Այրվածքաբանության ազգային կենտրոնում: