ԱՄՆ Պետդեպատամենտը ողջունել է Ադրբեջանում պահվող հինգ հայ ռազմագերու ազատ արձակումն ու փոխանցումը հայկական կողմին։ Այս մասին իր թվիթերյան էջում գրել է Պետդեպի խոսնակ Նեդ Պրայսը։
«Մենք ողջունում ենք հայ զինվորականների տուն վերադարձը։ Դա հանդիսանում է դրական իրադարձություն հայ-ադրբեջանական խաղաղ գործընթացի համար։
Հույս ունենք, որ Ադրբեջանն ու Հայաստանը կշարունակեն քայլեր ձեռնարկել վստահության ամրապնդման եւ առկա տարակարծությունների կարգավորման համար»,- ասված է Պրայսի գրառման մեջ։