Պուտինը խնդիր չի տեսնում, եթե ԱՄՆ-ն Ուկրաինային մատակարարի THAAD հակաօդային պաշտպանության համակարգը։

ՌԴ նախագահ Վլադիմիր Պուտինն ամերիկյան հակահրթիռային պաշտպանության համակարգը թանկարժեք և անարդյունավետ է անվանել։

Պուտինը նաև խոսել է նոր զենքի մասին։ Նա ասել է, որ «Օրեշնիկի» հեռահարությունը մինչև 5,5 հազար կիլոմետր է, և որ ոչ ոք հնարավորություն չունի խոցել այն։

Պուտինն առաջարկել է Արևմուտքին «Օրեշնիկի» վերաբերյալ «կասկածների» դեպքում Կիևում ոչնչացման թիրախ ընտրել, այնտեղ կենտրոնացնել հակաօդային պաշտպանությունն ու փորձել կասեցնել հարվածը։

ՌԴ ղեկավարն ասել է, որ չգիտի «Օրեշնիկ» անվան ծագումը.

Նա նաև անդրադարձել է Կուրսկ ուկրաինական ներխուժմանը։

«Ռազմական իմաստ չկար, որ Ուկրաինայի զինված ուժերը մտնեն Կուրսկի մարզ։ Կամ հիմա այնտեղ մնան, քանի որ նրանք այնտեղ են նետում իրենց լավագույն գրոհային խմբերն ու ստորաբաժանումները սպանդի համար», - նշել է Պուտինը։

«Ռուսաստանն Ուկրաինայում ինչ-որ մեկի հետ խոսելու բան ունի, այնտեղ շատ են «մեր տղաները», ովքեր երազում են երկիրը մաքրել նեոնացիզմից», վստահ է Վլադիմիր Պուտինը։