Արձագանքը տարակուսելի է, քանի որ խոսքը վերաբերում է լրագրողի հայտարարությանը: Ճեպազրույցի ժամանակ ասել է ՌԴ ԱԳՆ ներկայացուցիչ Մարիա Զախարովան՝ անդրադառնալով Կիսելյովի «Շաբաթվա լուրեր» հաղորդաշարի թողարկմանը Երեւանի արձագանքին։
Ավելի վաղ ՀՀ ԱԳՆ-ն հայտնել էր, որ հունվարի 12-ին Ռուսաստանի Դաշնության համառուսաստանյան պետական հեռուստատեսության եթերում թողարկված «Շաբաթվա լուրեր» հաղորդման առնչությամբ, որի ընթացքում «հնչեցվել էին արհեստականորեն գեներացված խոսույթներ Հայաստանի Հանրապետության ինքնիշխանության և տարածքային ամբողջականության դեմ», հունվարի 15-ին ՀՀ ԱԳ նախարարություն է կանչվել Հայաստանի Հանրապետությունում Ռուսաստանի Դաշնության դեսպան Սերգեյ Կոպիրկինը:
«Հանդիպման ընթացքում դեսպանին է հանձնվել համապատասխան բողոքի հայտագիր»,- նշել էր ԱԳՆ-ն։
«Մենք միշտ Երեւանից լսել ենք, որ Հայաստանը հավատարիմ է խոսքի ազատությանը, մանավանդ որ Հայաստանի ներկայիս ղեկավարությունը դա իր հրամայականն է դարձրել»,- ճեպազրույցի ժամանակ նշել է ՌԴ ԱԳՆ պաշտոնական ներկայացուցիչ Մարիա Զախարովան։
Նա նաև հիշեցրել է, որ Մոսկվայի պաշտոնական դիրքորոշումը քաջ հայտնի է Երևանին, և որ խոսքը 2020-22 թվականների համաձայնագրերի հիման վրա բոլոր տրանսպորտային և տնտեսական կապերի համապարփակ ապաշրջափակման մասին է։