Սերբիայի հանքարդյունաբերության եւ էներգետիկայի նախարար Դուբրավկա Ջեդովիչ-Նեգրեն հայտարարել է, որ երկրի տարածքում ոսկու մեծ հանքավայր է հայտնաբերվել։ Այս մասին հաղորդում է սերբական RTS ռադիոհեռուստատեսային կենտրոնը։
Ինչպես նշել է նախարարը, հանքավայրը հայտնաբերվել է Ժագուբիցայի Չոկա Ռակիտա տեղանքում եւ դրա նախնական չափերը 500x250x80 մետր են։
Նախնական արդյունքների համաձայն՝ հանքավայրը թույլ է տալիս ավելի քան 93% պարունակությամբ ոսկու մաքուր խտանյութ արտադրել։
«Այս բացահայտումը կարեւոր է Սերբիայում ոսկու հանքավայրի ռեսուրսների եւ պաշարների պոտենցիալ զգալի աճի տեսանկյունից»,- ասել է Ջեդովիչ-Նեգրեն՝ հավելելով, որ նախագիծը վերլուծության փուլում է եւ լրացուցիչ հետազոտություն է պահանջում։