Ինձ ուղղել են այդ հարցերը, չգիտեմ՝ պատասխանները սպառիչ էին, թե ոչ։ Այդ մասին այսօր ԱԺ-ում լրագրողների հետ զրույցում ասաց Արցախի ԱԽ նախկին քարտուղար Սամվել Բաբայանը՝ անդրադառնալով հարցին, թե արդյո՞ք իրեն քննիչ հանձնաժողովում հարցրել են, թե ինքը որպես ով է բանակցել ադրբեջանցիների հետ։
Նա տեղեկացրեց, որ ՔԿ-ում առաջինն ինքն է հարցաքննվել՝ Հ1-ով հեռարձակված իր հարցազրույցի հետ կապված։
Հարցին, թե իր կարծիքով՝ Արցախի պետական ինստիտուտները պե՞տք է գործեն Հայաստանում, Սամվել Բաբայանը պատասխանեց՝ առաջին օրը ինքը դիմել է Փաշինյանին, առաջարկել է հատուկ ծրագրերի վարչություն ստեղծել, որը 90-ականներին Մոսկովյան փողոցում էր գործում։
«Նիկոլ Փաշինյանը մերժել է ինձ։ Բայց չեմ հանդիպել իրեն, չգիտեմ՝ ինչու է մերժել ինձ։ Ես երկու տարուց ավելի է նրան ո՛չ տեսել եմ, ո՛չ խաբար եմ, ո՛չ գիտեմ»,- նշեց նա։
Մանրամասները՝ տեսանյութում։