Հյուսիսային Կորեայի առաջնորդ Կիմ Չեն Ընը ԿԺԴՀ-ի Ազգային պաշտպանության ակադեմիայի անօդաչուների հետազոտական ինստիտուտի փորձարկումների ժամանակ հանձնարարել է ակտիվորեն զարգացնել և մեծացնել տարբեր տեսակի անօդաչու թռչող սարքերի արտադրությունը, հայտնել է Կենտրոնական հեռագրական գործակալությունը։
Ընը նշել է, որ անօդաչու թռչող սարքերը «կարևոր դեր են խաղում պատերազմի նախապատրաստման գործում»:
«Մենք պետք է ակտիվորեն զարգացնենք և մեծացնենք ոչ միայն ռազմավարական հետախուզական անօդաչու թռչող սարքերի և բազմաֆունկցիոնալ գրոհային անօդաչուների, այլ նաև մարտավարական հետևակային ստորաբաժանումների և հատուկ նշանակության ստորաբաժանումների համար մահապարտներ տարբեր անօդաչու սարքերի արտադրությունը»,- ասել է Կիմ Չեն Ընը:
Փորձարկված անօդաչու սարքերը նախատեսված են ինչպես ցամաքում, այնպես էլ ծովում ցանկացած թիրախ ոչնչացնելու համար։ ԱԹՍ-ները հայտնաբերել են թիրախներ ու վերացրել դրանք։
Լուսանկարներն այստեղ