Սիդնեյի համալսարանի գիտնականները եկել են այն եզրակացության, որ E171 նանոմասնիկների վրա հիմնված հայտնի սննդային հավելումը (տիտանի երկօքսիդ) կարող է փոփոխություններ առաջացնել աղիքային միկրոֆլորայում՝ հանգեցնելով բորբոքային հիվանդությունների և հաստ աղիքի քաղցկեղի։

Հետազոտության ընթացքում մասնագետները հետեւել են, թե ինչպես է տիտանի երկօքսիդը ազդում լաբորատոր մկների աղեստամոքսային տրակտի վրա։

Հետազոտության ընթացքում մասնագետները եզրակացրել են, որ այս նյութն ուղղակիորեն չի փոխում աղիքային բակտերիաների տեսակային կազմը։ Միաժամանակ այն ազդում է լորձաթաղանթի վիճակը վերահսկող որոշակի գեների գործունեության վրա։ Բացի այդ, այս սննդային հավելումը նպաստում է բակտերիալ թաղանթների առաջացմանը, որոնք առաջացնում են բորբոքային և ուռուցքային հիվանդություններ:

Սակայն հետազոտողները պարզել են, որ դեռ վաղ է ասել, որ E171 հավելումը վտանգ է ներկայացնում մարդու օրգանիզմի համար։

Մասնագետների կարծիքով՝ անհրաժեշտ է մի շարք ուսումնասիրություններ անցկացնել։ Գիտնականները նաև կոչ են արել ուժեղացնել բոլոր տեսակի սննդային հավելումների օգտագործման նկատմամբ վերահսկողությունը:

E171-ը օգտագործվում է սննդի արդյունաբերության մեջ մայոնեզի, մաստակի, կաթի, ձկան պահածոների, հացաբուլկեղենի և այլ ապրանքների սպիտակեցման համար: