Արևմուտքը հրաման է տվել Վոլոդիմիր Զելենսկիին Բելառուսը ներքաշել պատերազմի մեջ։ Այդ մասին հայտարարել է Բելառուսի առաջնորդ Ալեքսանդր Լուկաշենկոն՝ նշելով, որ մինչ այժմ դրան համբերատար է պատասխանել, քանի որ երկիրը կարող է չդիմանալ հակամարտությանը։
«Ինչու՞ է Վոլոդյա Զելենսկին իրեն այդպես պահում։ Մենք ախր նորմալ հարաբերություններ ունեինք նրանց հետ։ Եվ իմ փոքրիկ ընտանիքն էլ։ Ինչի՞ վրա է վնկվնկում, ի՞նչ է նրան պակասում, պետք է ամեն ինչ անել՝ երկիրը ներքաշելու պատերազմի մեջ»,- Լուկաշենկոյի խոսքերն է մեջբերում БЕЛТА-ն։
Ըստ Լուկաշենկոյի՝ եթե Զելենսկին հաջողեր, ապա Մինսկի համար «բարդ իրավիճակ» կլիներ։
«Այդ իսկ պատճառով ես ամեն ինչ անում եմ համբերատար, ինչպես Տերն ու եկեղեցին են սովորեցնում։ Անում ենք մեր գործը։ Ժամանակը կվերակառուցի ամեն ինչ։ Ժամանակը բոլորին գնահատական կտա։ Բայց մենք պետք է համբերենք», - նշել է Լուկաշենկոն։
Ընդհանրապես, նախագահը Բելառուսն անվանել է «խաղաղ փոքրիկ կղզի», բայց հենց այս հողի վրա խաղաղության փաստը ստիպում է Արևմուտքին «ճնշել այնտեղ»։ Վերջին տարիներին բելառուսները, ի դեմս Արևմուտքի մարտահրավերների, «քայլում են բարակ սառույցի վրայով, բայց երբեք չեն կոտրել սառույցը և չեն ընկել այս սառցե ջրի մեջ», ինչը Լուկաշենկոն համարում է իրենց գլխավոր ձեռքբերումը։