Ավերիչ երկրաշարժի զոհերի թիվը հասել է 5434-ի, վիրավորներինը՝ 31 777-ի, հայտնել է առողջապահության նախարար Ֆահրեթին Կոջան, փոխանցում է ՏԱՍՍ-ը։
«Այս պահին ունենք 5434 զոհ, 31777 վիրավոր»,- լրագրողներին ասել է Կոջան։
Նրա խոսքով, Թուրքիայում երկրաշարժի առաջին հարվածից ի վեր գրանցվել է 455 կրկնակի ցնցում, որոնց մեծ մասը եղել է 3-ից 6 բալ ուժգնությամբ։ Գերատեսչությունը հայտնել է նաև, որ երկրաշարժից տուժած շրջաններում ավերվել է 5775 շենք։
Փետրվարի 6-ի առավոտյան 7,7 մագնիտուդ ուժգնությամբ երկրաշարժ է տեղի ունեցել Թուրքիայի հարավ-արևելքում՝ այն դարձնելով ամենաուժեղը 1939 թվականից ի վեր, ըստ նախագահ Ռեջեփ Թայիփ Էրդողանի: Երկուշաբթի ցերեկը 7,6 մագնիտուդով ևս մեկ երկրաշարժ է տեղի ունեցել։ Նախագահ Թայիփ Էրդողանը Թուրքիայում յոթօրյա համազգային սուգ է հայտարարել աղետի զոհերի համար, իսկ տուժած 10 նահանգներում եռամսյա արտակարգ դրություն է հայտարարվել։