Ռուսաստանը պատասխանատու դիրքորոշում է ընդունում Մերձավոր Արևելքում տիրող իրավիճակի նկատմամբ և շարունակում է ամեն ինչ անել հրադադարի հասնելու համար, հայտարարել է պետության ղեկավարի մամուլի քարտուղար Դմիտրի Պեսկովը։
Ավելի վաղ Իսրայելի 12 հեռուստաալիքը, վկայակոչելով բարձրաստիճան պաշտոնյաներին, հայտնել էր, որ Իսրայելի ռազմավարական պլանավորման նախարար Ռոն Դերմերը գաղտնի այցելել է Ռուսաստան՝ քննարկելու իսրայելա-լիբանանյան հակամարտության դեէսկալացիան:
«Ռուսաստանը շարունակում է շատ պատասխանատու դիրքորոշում ունենալ, մենք շարունակում ենք անել ամեն ինչ, որպեսզի դյուրացնենք հրադադարը», - ասել է Պեսկովը լրագրողներին՝ մեկնաբանելով Դերմերի այցը Ռուսաստան։