Երևանում շարունակվում է ՀՅԴ երիտասարդների բողոքի երթը դեպի Կառավարության շենք։ Այն կրում է «Իրական մեղավորը» խորագիրը։
MediaHub-ի հարցին, թե ի՞նչ նպատակ ունի այս նախաձեռնությունը, ակտիվիստներից մեկը պատասխանեց, որ այս ընթացքում, Արցախին կապող ճանապարհը փակվելու օրվանից, տարբեր շրջանակներ բողոքի ակցիաներ են արել, որոնք ուղղված են եղել միջազգային հանրությանը, իսկ իրենց համար խնդրի առաջին հասցեատերը ՀՀ իշխանություններն են։
Երիտասարդներն անդրադարձան միջազգային հանրության, ԵԱՀԿ Մինսկի խմբի համանախագահող պետությունների և ՌԴ խաղաղապահ առաքելության պարտավորություններին, միևնույն ժամանակ շեշտելով, որ իրենց համար Արցախի հարցի լուծման պատասխանատուն ՀՀ իշխանություններն են, քանի որ Հայաստանը ոչ մի փաստաթղթով չի հրաժարվել Արցախի անվտանգության երաշխավորը լինելուց։ ՀՅԴ երիտասարդները նաև ընդգծում են, որ անկախ նրանից, որ ՀՀ իշխանությունները իրենց համար մեղավորն ու պատասխանատուն են, բայց առաջնային թշնամին Ադրբեջանն է.
“Թշնամին սահմանից այն կողմ է”,- շեշտում են նրանք:
Հիշեցնենք, որ արդեն 16 օր է Լաչինի միջացքը ադրբեջանցիները փակել են։ Դա միակ ճանապարհն է, որ Արցախը կապում է արտաքին աշխարհի հետ։