Դրամի փոխարժեքը՝ այսօր
Եղանակը՝ այսօր
Միջազգային

Կամչատկայի մոտ հայտնաբերվել են մի քանի օր որոնվողները․ տղամարդը պահել էր եղբոր ու զարմիկի մարմինները (տեսանյութեր)

Blog Image

Կամչատկայի ափերի մոտ հայտնաբերվել են 2 ամիս առաջ անհետացած զբոսաշրջիկները, իսկ 3 հոգուց ողջ է մնացել միայն մեկը։

Զբոսաշրջիկի եղբայրն ու 16-ամյա եղբոր որդին մահացել են, սակայն փրկվածը պահպանել է նրանց մարմինները։

67 օր առաջ փչովի մոտորանավով Բուրյաթիայի բնիկների ընտանիքը՝ կազմված չափահաս եղբայրներից Միխայիլից և Սերգեյից, ինչպես նաև նրանցից մեկի՝ 15-ամյա Իլյա անունով որդուց, Խաբարովսկից ճամփորդության է մեկնել։ Տարածքը մինչև Սախալին է եղել. օգոստոսի 9-ին նրանք կապից անհետացել էին, և այդ պահից սկսվել էին որոնումները։ Այս գիշեր Կամչատկայի ափերի մոտ ձկնորսական նավերից մեկի անձնակազմը հայտնաբերել է նավակ, որում եղել է կիսաուշաթափ վիճակում մի տղամարդ, ավելի ուշ պարզվել է, որ նա պահպանել է իր եղբոր և եղբորորդու դիերը։ Մարդիկ, ովքեր նկատել են նավը ռադարների վրա, սկզբում կարծել են, որ դա լողան է կամ աղբի մնացորդ:

Այս ընթացքում ողջ մնացած տղամարդը նիհարել է 50 կիլոգրամով, նա ծանր վիճակում է։ Որոնողական աշխատանքները բարդացել էին եղանակային վատ պայմանների պատճառով, որոնք թույլ չեն տվել նավակների և ուղղաթիռների օգտագործումը և երկու շրջանների ուժերի լիարժեք ներգրավումը։

Դեպքը տեղի է ունեցել այն ժամանակ, երբ նրանք Շանթար կղզիներում հանգստից հետո արդեն տուն վերադառնալիս են եղել։ Տղամարդիկ նավարկելիս են եղել «BaiKater-470» փչովի մոտորանավով։ Նրանք ստիպված են եղել հաղթահարել ավելի քան 130 կիլոմետր Սախալինի ծովածոցով: Հարուցվել է քրեական գործ՝ ջրային տրանսպորտի շահագործման կանոնները խախտելու դեպքի առթիվ, որը հանգեցրել է երկու անձի մահվան։

Տեսանյութերն այստեղ

Send