Կարծում եմ՝ հատկապես մեր ժամանակաշրջանում հերոսականությունը ամենամեծ խնդիրն է, որը կարող էինք ունենալ․ խնդրում եմ չշփոթել հերոսության հետ, որովհետև այս շրջանում այն մրցավազքը, թե ով է ավելի հայրենասեր, կարող է շատ մեծ պրոբլեմներ առաջացնել։ Այս մասին այսօր Կառավարության հետ հարցուպատասխանի ժամանակ ասաց Նիկոլ Փաշինյանը՝ անդրադառնալով ՀԱԿ փոխնախագահ Լևոն Զուրաբյանի վերջին հայտարարությանը։
«Հենց նույն Ալմա-Աթայի հռչակագիրը ստորագրել է Լևոն Տեր-Պետրոսյանը։ Էդ հռչակագրի իմաստը մեկն է, որ երկրներն ընդունում են, որ գոյություն ունեցող սահմանները դառնում են պետական սահմաններ և այդ սահմաններն անխախտելի են։ Սա Տեր-Պետրոսյանն է ստորագրել, և այն խորհրդրանը, որտեղ պատգամավոր են եղել Ռոբերտ Քոչարյանն ու Սերժ Սարգսյանը։ Հիմա էլ հարցազրույներ են տալիս, ասում են՝ 95 թվին սենց պետք ա լիներ, վրձինը վերցնում են, ասում են՝ 98 թվին սենց պետք ա լիներ, 2003-ին՝ սենց, 2007-2008-ին էլ նենց, 11-ին ու 14-ին սենց․.. ընկերներ, թող լիներ։ Էսօր մի վերնագիր կարդացի ու այդ վերնագրի հեղինակին շատ շնորհակալ եմ, փորձագետ, մեզ բոլորիս շատ հայտնի մարդ․ էսպես էր՝ Փաշինյանը որոշել է հրաժարվել կռուտիտի քաղաքականությունից, սրանից ավելի բնորոշ բա՞ն: Շնորհակալ եմ էդ մարդուն»,- ասաց նա։
Մանրամասները՝ տեսանյութում