ՄԱԿ-ի Անվտանգության խորհրդի ղեկավարները փոխվում են ամեն ամիս. մարտին այն գլխավորում էր Մոզամբիկը։ Ապրիլի ընթացքում Խորհրդի նիստերը կղեկավարի ՄԱԿ-ում Ռուսաստանի դեսպան Վասիլի Նեբենզյան։ Ուկրաինան պահանջում է Ռուսաստանին ամբողջությամբ հեռացնել կազմակերպությունից, գրում է BBC-ն։
ՄԱԿ-ում Ուկրաինայի մշտական ներկայացուցիչ Սերխի Կիսլիցան և Յեյլի համալսարանի պրոֆեսոր Ջեֆրի Զոնենֆելդը Time ամսագրում հրապարակված հոդվածում ՄԱԿ-ի Անվտանգության խորհրդում Ռուսաստանի նախագահությունն անվանել են «միջազգային դիվանագիտության ծաղր»։
Նշենք, որ ՌԴ նախագահի խոսնակ Դմիտրի Պեսկովը մեկնաբանել է արևմտյան քաղաքական գործիչների հայտարարությունները, որոնք մտահոգված են ապրիլին Անվտանգության խորհրդում Ռուսաստանի առաջիկա նախագահությամբ։ Պեսկովն ընդգծել է՝ Ռուսաստանը կօգտագործի իր բոլոր իրավունքները՝ որպես ՄԱԿ-ի անդամ։