Հյուսիսային Կորեայի առաջնորդ Կիմ Չեն Ընը Ռուսաստանի նախագահ Վլադիմիր Պուտինին և «եղբայր ռուս ժողովրդին» մաղթել է, որ գալիք 2025 թվականը լինի «նեոնացիստների նկատմամբ հաղթանակի» և «մեծ հաղթանակի» տարի, հայտնել է Կորեայի Կենտրոնական հեռագրային գործակալությունը։

Քաղաքական գործիչը ռուս առաջնորդին անվանել է «իմ ամենամոտ բարեկամ և ընկեր»։

Կիմ Չեն Ընը մաղթել է, որ «նոր 2025 թվականը լինի 21-րդ դարի պատերազմում հաղթանակի տարի, երբ Ռուսաստանի բանակն ու ժողովուրդը կհաղթեն նեոնացիստներին և կհասնեն մեծ հաղթանակի»։

Հյուսիսային Կորեայի առաջնորդը հաստատել է իր պատրաստակամությունը «էլ ավելի ամրապնդելու ԿԺԴՀ-ի և ՌԴ-ի միջև համապարփակ ռազմավարական գործընկերությունը»:

Նա նաև Պուտինին մաղթել է «ավելի մեծ հաջողություններ պետության ղեկավարման պատասխանատու և դժվարին գործում»։