ՌԴ նախագահ Վլադիմիր Պուտինը հայտարարել է, որ բանակցություններ կարող են վարվել ցանկացածի հետ, սակայն ոչ լեգիտիմ լինելու պատճառով Վլադիմիր Զելենսկին իրավունք չունի որևէ բան ստորագրել։
«Դուք կարող եք բանակցել ցանկացածի հետ, բայց իր ոչ լեգիտիմության պատճառով նա [Զելենսկին] իրավունք չունի որևէ բան ստորագրել»,- ասել է Պուտինը «Ռոսիա 1» հեռուստաալիքին։ .
ՌԴ նախագահը նշել է, որ եթե կողմերի միջեւ փաստաթղթեր ստորագրվեն, ուկրաինական կողմի ներկայացուցչի լեգիտիմությունը պետք է օրինականորեն հաստատվի։
«Փաստաթղթերի ստորագրման տեսակետից այստեղ, իհարկե, ամեն ինչ պետք է արվի այնպես, որ իրավաբանները մեզ հաստատեն այն մարդկանց լեգիտիմությունը, ովքեր ուկրաինական պետության կողմից լիազորված կլինեն ստորագրել այդ համաձայնագրերը»,- ընդգծել է Պուտինը։
«Պուտինը ևս մեկ անգամ հաստատեց, որ վախենում է բանակցություններից, վախենում է ուժեղ առաջնորդներից և ամեն ինչ անում է պատերազմն անվերջ դարձնելու համար», - արձագանքել է Զելենսկին Պուտինին, գրել են ԶԼՄ-ները։