Այն թիվը, որը նախատեսված է պաշտպանական ոլորտի համար մեզ պատկերացում կտա, թե ինչու եղավ 44-օրյա պատերազմը ու ինչու նման ելքով։ Այս մասին այսօր ԱԺ-ում պետական բյուջեի քննարկման ժամանակ ասաց «Քաղաքացիական պայմանագիր» խմբակցության պատգամավոր Գևորգ Պապոյանը։
«Պատկերն իրականում ողբալի է, օրինակ՝ 2012 թվականին մեր պաշտպանության ծախսերն ընդամենը 153 միլիարդ դրամ էին, այն էլ հիմնականում աշխատավարձերի, բենզինի, դիզելի և այլ յուղալի գործերի համար: Խորհրդարանական ընդդիմությունը՝ յուր որդիներով և հայրերով հանդերձ, շատ է հարցնում, թե ինչու եղավ 44-օրյա պատերազմը, և ինչու եղավ նման արդյունք։ Շատ պարզ պատճառով եղավ, որովհետև մեր պաշտպանության բյուջեն ոչ թե 557 միլիարդ դրամ էր, ինչպես 2024-ին կլինի, այլ մոտ 4 անգամ ավելի քիչ էր։ Դեռ մի կողմ թողած, թե այդ 153 միլիարդ դրամից որն էր դառնում մետաղի ջարդոն, որը վեհաշուք առանձնատուն, որը՝ բենզինի ու դիզելի չեկ»,- ասաց նա։
Մանրամասները՝ տեսանյութում