Հակակոռուպցիոն դատարանում տեղի է ունեցել Դատախազության հայցն ընդդեմ Մանվել Գրիգորյանի մերձավորների դատական նիստը։ Ապօրինի ծագում ունեցող գույքի բռնագանձման Դատախազության հայցադիմումը գտնվում էր դատարանի վարույթում դեռեւս ամիսներ առաջ։ Գլխավոր դատախազությունը դատարանից պահանջում է գեներալ-լեյտենանտ Մանվել Գրիգորյանի ընտանիքից բռնագանձել 28 անշարժ գույք, 16 մեքենա։ Ինչպես MediaHub-ի հետ զրույցում ասաց ներկայացուցիչ փաստաբան Լեւոն Բաղդասարյանը՝ նախնական դատական նիստի ընթացքում դատախազը դատական նիստը հետաձգելու մասին միջնորդություն է ներկայացրել։
«Նախնական առաջին նիստի ընթացքում դատախազը միջնորդեց, որ նիստը հետաձգվի, ինչը դատարանի կողմից բավարարվեց։ Ըստ էության, ենթադրվում է, որ ներկայացված հայցի առարկան գուցե փոփոխության ենթարկվի»,-ասաց Բաղդասարյանը։
Եթե անհնար լինի 18 անշարժ գույքն ու 16 տրանսպորտային միջոցը բռնագանձել հանգուցյալ Գրիգորյանի ժառանգներից ու նրա հետ փոխկապակցված անձնանցից, ապա, ըստ դատախազության, պետք է բռնագանձել դրանց միջին շուկայական արժեքը, այն է՝ 2.5 միլիարդ դրամ։
Ավելի վաղ փաստաբան Բաղդասարյանն ասել էր, որ Դատախազության հայցապահանջն անհիմն է։ Նա խոստացել էր դատական նիստերին ներկայացնել փաստեր, որ Գրիգորյանները օրինական ճանապարահով են տիրացել տասնյակների հասնող անշարժ ու շարժական գույքին։
Լիա Սարգսյան