ԱՄՆ-ի և Ռուսաստանի կառավարությունները չեն կարողանա կարգավորել ուկրաինական ճգնաժամը, եթե խոսեն միայն հրադադարի մասին՝ չվերացնելով հակամարտության բուն պատճառը։ Այս մասին հայտարարել է Չինաստանի արտաքին գործերի համալսարանի պրոֆեսոր Լի Հայդոնը, նրա խոսքերը մեջբերում է Global Times-ը։
«Ուկրաինական ճգնաժամն ընդամենը եվրոպական անվտանգության ավելի լայն խնդրի ախտանիշ է»,- ասել է նա։
Հայդոնի կարծիքով, հակամարտության բուն պատճառը Եվրոպայում «ՆԱՏՕ-ի չափից ավելի գերիշխանությունն ու ընդլայնումն է», իսկ հրադադարը չի օգնի լուծել ուկրաինական ճգնաժամը։ Նա հավելել է, որ չինական կողմը հասկանում է, որ երկխոսության միջոցով կարգավորման հասնելը «շատ դժվար է»։