Սա անբարոյականություն է. Այս մասին լրագրողների հետ ճեպազրույցում հայտարարեց ԱԺ “Հայաստան” խմբակցության պատգամավոր Իշխան Սաղաթելյանը:
Նա նշեց, որ սա Նիկոլ Փաշինյանի վրեժխնդրությունն է զոհված զինծառայողների ծնողներից, որոնք հատկապես վերջին շրջանում բավականին ակտիվ էին: Բայց անբարոյականություն է կնոջը, այն էլ զոհված զինծառայողի մորը կալանավորելը.
«Կալանքի տանելը անբարոյականություն է»,- շեշտեց ընդդիմադիր պատգամավորը:
Հիշեցնենք, ավելի վաղ փաստաբան Ռուբեն Մելիքյանը հայտարարեց, որ քննչական մարմինը ներկայացրել է Գայանե Հակոբյանին կալանավորելու միջնորդություն: Մինչդեռ ի սկզբանե պետք է քննվեր ձերբակալման իրավաչափության միջնորդությունը:
Նա նշեց, որ դատական նիստն ընդմիջվել է, ժամը մեկին սկսվելու է նիստը, որի ընթացքում քննվելու է թե՛ կալանավորման միջնորդությունը, թե՛ իրենց բողոքը:
«Հույս ունեմ, որ վատագույն տարբերակին՝ բավարարման, այն չի հասնի»,- ասել էր Մելիքյանը:
Մանրամասները՝ տեսանյութում